Казан Кремлендә «Полимерлар йорты» күргәзмәсе эшли башлады
Казан Кремлендә «Полимерлар йорты» күргәзмәсе эшли башлады. Бу СИБУР компаниясенең белем бирү проекты, ул химия, технологияләр белән таныштыра һәм укучыларга булачак һөнәрләрен билгеләргә ярдәм итә
Экспозиция заманча синтетик материаллар җитештерү, технологияләр һәм экологик практикалар турында сөйли. Интерактив зоналарда «грануладан әзер эшләнмәгә кадәр» юлны күзәтергә, шулай ук тармакның тарихы һәм кирәкле һөнәрләр турында белергә мөмкин.
Аерым блок - урта һәм өлкән сыйныф укучылары өчен «Уку көне» белем бирү программасы. Анда яшь белгечләр өчен нефть-газ химиясе һәм карьера мөмкинлекләре турында экскурсияләр һәм һөнәри юнәлеш бирү лекцияләре керә.
Күргәзмә 3 июньгә кадәр эшләячәк. Анда катнашу бушлай.
Экспозиция көн саен 10нан 18 сәгатькә кадәр, җомга көннәрендә – 11дән 20 сәгатькә кадәр ачык.
10 кешедән торган оешкан төркемнәр өчен https://домполимеров.рф сайтында алдан теркәлү кирәк.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев