«Кама» яр буенда 30 яшь агач утырттылар

Безнең шәһәрдә акцияне «Кама» яр буенда үткәрделәр. Анда 30 пирамидаль тирәк утыртылды.

Яшь агачларны утыртуда шәһәргә эш сәфәре белән килгән РФ Дәүләт Думасы депутаты Олег Морозов һәм район башлыгы Дмитрий Иванов, шулай ук шәһәр һәм районның башкарма комитеты һәм Советы хезмәткәрләре катнашты. Аларга яр буенда йөрүче туристлар – Марий Эл республикасыннан килгән гаилә дә кушылды.
Исегезгә төшерәбез, «Урманны саклыйк» Бөтенроссия акциясенең оештыручылары – РФ табигый ресурслар һәм экология министрлыгы, Урман хуҗалыгының Федераль агентлыгы, «Бакча хәтере» автоном коммерцияле булмаган оешмасы һәм «Экосистема» Бөтенроссия экология хәрәкәте. Аның максаты – 70 миллион агач утырту. Әлеге акция Россия Президенты Владимир Путин йөкләмәсе буенча тормышка ашырылучы «Экология» милли проектына ярдәм йөзеннән үткәрелә.