Җирле үзидарә көне белән!

21 апрельдә дәүләт бәйрәме – Җирле үзидарә көне билгеләп үтелә. Җирле үзидарә органнары – дәүләт идарәсенең мөһим өлеше. Аларга әһәмиятле бурычларны хәл итү, халыкның иминлеген тәэмин итү өчен вәкаләтләр бирелгән. Кешеләр үзләрен борчыган проблемалары белән нәкъ менә җирле хакимияткә мөрәҗәгать итәләр.

Бу көнне без туган шәһәре һәм районы язмышына битараф булмаган җәмәгатьчеләрне, үз инициативасы белән җәмәгатьчелек оешмалары составында җирле әһәмияттәге мәсьәләләрне хәл итүчеләрне хөрмәтлибез.

Сезгә нык сәламәтлек, иминлек, бетмәс-төкәнмәс энергия, эшегездә үҗәтлек, карарлар кабул итүдә зирәклек, яңа казанышлар телим.

Дмитрий Иванов, Чистай муниципаль районы башлыгы