«Йөрәгең белән батырлыкка кагыл!» дигән конкурс игълан ителде
Истәлекле вакыйга — Бөек Ватан сугышында Җиңүнең 80 еллыгы алдыннан чистайлыларны ел саен үткәрелә торган «Йөрәгең белән батырлыкка кагыл!» дигән патриотик конкурста катнашырга чакырабыз.
Конкурсны оештыручылар — башкарма комитет, муниципаль район башкарма комитетның мәдәният бүлеге һәм мәгариф идарәсе.
— Конкурсның бурычлары — Ватанны саклаучыларның батырлыклары һәм Бөек Ватан сугышында совет халкының мөһим роле турындагы тарихи хәтерне саклау; Ватаныбызның тарихи үткәне өчен патриотлык һәм горурлык хисе тәрбияләү; сәләтле балаларны, яшьләрне, башка буын вәкилләрен ачыклау һәм аларга ярдәм итү, аларның иҗади потенциалын тормышка ашыру, — дип хәбәр итә оештыручылар.
Конкурс — күп жанрлы һәм 5 номинация: «Вокал», «Хореография», «Конферанс», «Нәфис сүз» һәм «Сынлы сәнгать» буенча үткәреләчәк.
Конкурсның барлык шартлары белән безнең сайтта урын алган нигезләмәдә яисә оештыручыларның 4-29-04, 8-90(334-47) 3-07 телефоннары аша танышырга мөмкин.
Конкурста җиңүчеләрне бүләкләү һәм гала-концерт Җиңү көнендә, 9 Майда, Скарятин бакчасында узачак.
Следите за самым важным и интересным в Telegram-каналеТатмедиа
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев