Инвалидлар җәмгыяте рәисен хурлаганы өчен штрафка тартканнар

Шәһәр прокуроры урынбасары карары белән 51 яшьлек хатын-кызга карата РФ КОАП 5.61 маддәсенең 1 өлешендә каралган административ хокук бозу буенча эш кузгатылды (кешенең намусын мыскыл иткән өчен).

– Чистайда яшәүче хатын-кыз шәһәр инвалидлар бинасы кабинетында булганда күрәалмавын белдереп, аңлы рәвештә, кешенең намусын мыскыл итү ниятеннән оешма рәисенә карата аны кимсетә торган, гомумкабул ителгән нормаларга туры килмәгән ямьсез сүзләр кулланып, аның адресына хурлау сүзләре әйтә, – дип сөйләде шәһәр прокуроры ярдәмчесе Чулпан Гайнуллина.

Суд шәһәребездә яшәүче әлеге ханымны административ хокук бозуда гаепле дип тапты һәм аңа 3000 сум күләмендә штраф билгеләде.