Илсур Метшин Казан вертолет заводындагы хезмәт шартларын югары бәяләде

2024 елда оештырылган үзәктә балалар 7нче сыйныфтан башлап укыйлар. 108 академик сәгать дәвам иткән программа бер елга исәпләнгән. Укыту производство шартларына максималь якынайтылган.

Үзәктә – 15 җитештерү участогы, 12 лаборатория һәм 21 уку сыйныфы. Укучылар реаль авиация техникасында – машиналарның конструкциясен һәм эксплуатация үзенчәлекләрен өйрәнергә мөмкинлек бирә торган МИ-8 һәм Ансат вертолетларында эшлиләр.

– Балалар монда киләләр, укыйлар һәм аңлы рәвештә һөнәр сайлыйлар. Без укучылар һәм студентлар белән аралаштык: аларның күбесенең әти-әниләре машина төзелеше яки вертолет заводы белән бәйле түгел. Әмма нәкъ менә һөнәри юнәлеш, балачактан ук производствоны үз күзләрең белән күрү мөмкинлеге бу аңлы сайлауны формалаштыра. Бүген без асылда яхшы онытылган, әмма һөнәри юнәлешнең нәтиҗәле практикаларына әйләнеп кайтабыз. Бу эшне дәвам итәргә һәм киңәйтергә кирәк. Бала нәрсә белән шөгыльләнәчәген, кайда һәм нинди шартларда эшләячәген аңларга тиеш, – дип ассызыклады Илсур Метшин.

Заводның төп җыю участокларын карап чыккач, шәһәр мэры шулай ук предприятиенең хезмәт шартларын югары бәяләде.

– Әйтергә кирәк, уку үзәгендә генә түгел, вертолет заводында да лаеклы шартлар тудырылган. Һөнәри юнәлеш бирү һәм уңайлы хезмәт шартлары тудыру буенча планлы эш нәтиҗәсе буларак бүген предприятие кадрлар кытлыгын кичерми һәм хәтта төрле участокларга белгечләр сайлау мөмкинлегенә ия. Бу авиатөзелештән алып химия һәм нефть химиясе сәнәгатенә кадәр башка тармаклар өчен яхшы үрнәк: һөнәри юнәлеш, кешеләргә игътибар һәм заманча хезмәт шартлары тотрыклы үсеш өчен нигез булып тора, – дип шәһәр башлыгының сүзләрен китерә Казан мэриясе матбугат хезмәте.

Чыганак: «Вечерняя Казань»