Игътибар! Көне буена транспорт хәрәкәте туктатылачак

Якшәмбе көнне, 6 августта, Чистайда берничә урамда транспорт хәрәкәте вакытлыча туктатылачак. Чикләүләр кертү үзәк мәйданда «Рок-берега» фестивален үткәрү белән бәйле.
6 сәгатьтән 24 сәгатькә кадәр Л.Толстой урамы буенча, Октябрьский урамыннан Карл Маркс урамына кадәр, шулай ук Ленин урамы буенча, түбән базардан Бебель урамына кадәр транспортта йөрү мөмкин булмаячак.

Автомобиль йөртүчеләргә алдан ук урап узу маршрутлары турында уйланырга туры киләчәк.