Яшүсмерләр командасына үзенә юл ярды

Казанда бадминтон буенча ТР беренчелегенә 13 яшьтән алып 17 яшькә кадәрге кызлар арасында ярышлар булып узды. Ярышларда безнең республиканың иң яхшы спортчылары да катнашты.

«Ватан» үзәгендә тәрбияләнүче Злата Жукова парлы разрядта бронза медаль яулап, республика яшүсмерләр җыелма командасына юл ярды. Златаны һәм аның тренер-укытучылары Марсель Гомәр улы һәм Лариса Николаевна Галиевларны уңышлы чыгыш ясаулары белән ихластан котлыйбыз!