Янгын сәбәпләрен ничек бетерергә?

Агымдагы елның башыннан алып муниципаль район территориясендә 50дән артык янгын теркәлгән. Бу күрсәткеч узган елның шул чорындагы саннарны узып китә. Кызганычка каршы, янгыннар корбаннарсыз гына узмады: күзәтү эшчәнлеге һәм кисәтү эшләре бүлеге мәгълүматлары буенча дүрт кеше һәлак булды, аларның икесе — балалар. Тагын бер кеше имгәнүләр алды.

— Килеп чыккан янгын­нарның төп сәбәбе булып ут белән саксызлык, электр җиһазларыннан һәм мичтән файдалану кагыйдәләрен бозу тора, — дип ачыклык кертте бүлекнең өлкән инспекторы Илнур Гайнуллин.

Статистика куркыныч тенденцияне күрсәтә: янгын­нарның 89 проценты торак секторда чыга. Быел янгында һәлак булучыларның барысы да торак йортларда һәм фатирларда яшәүчеләр иде.

Янгын сәбәпләрен ачык­лау өчен янгын күзәтчелеге хезмәткәрләренә янгынга каршы Федераль хезмәт экспертлары — Татарстан Респуб­ликасы буенча «Янгын сынау лабораториясе» ярдәм итә. Учреждение суд-экспертиза ярдәмендә төп мәсьәләләрне хәл итә: танып-белү органнары, янгын эшләре буенча тикшерүләр һәм судлар эшен тәэмин итә, янгын иминлегенә фәнни тикшеренүләр һәм янгын иминлегенә материалларны сынаулар үткәрә.

Лабораториянең барлык хезмәткәрләре һөнәри белемле һәм махсус әзерлек, ә экспертлар суд экспертизаларын мөстәкыйль үткәрүгә хокук алу өчен дәүләт аттестациясе үтәләр.
Тикшерүләр нәтиҗәсендә алынган мәгълүматлар объект­ларда, приборларда, җиһазларда янгын куркынычсызлыгын киметүгә практик тәкъдимнәр һәм норматив-техник документлар булдыруда кулланыла. Эш Россия Гадәттән тыш хәлләр министрлыгының Бөтенроссия янгынга каршы оборонасы фәнни-тикшеренү институты белән тыгыз уртак хезмәттәшлектә алып барыла.

Шулай итеп, 2024 елда торак биналарның иминлегенә багышланган фәнни эш төгәлләнде. 2023 елның статистикасына нигезләнгән тикшерү янгыннарда һәлак булучыларның күбесе шәхси һәм күпфатирлы йортларда яшәүчеләр икәнен раслады. Янгыннырның төп сәбәпләре — электр җиһазларының төзек булмавы, кыска ялганышлар, артык көчәнешләр. Фәнни хезмәттә автоматик сүндергечләр һәм саклану җиһазлары ярдәмендә электр җайланмаларын саклау­га нык игътибар бирелде.

2025 елда үткәрелгән янә бер тикшерү металл конструк­цияләр өчен уттан саклау тышлыкларының нәтиҗәле­легенә багышланды.

Янгын сынау лаборатория­се — бу заманча техник яктан баетылган подразделение. Хезмәткәрләрнең югары квалификациясе, аларның тирән тео­ретик белеме һәм зур практик ярдәме җитди фәнни нигездә комплекслы тикшерүләр үткәрүгә мөмкинлек бирә. Әлеге эш янгын иминлеге һәм гадәттән тыш хәлләрне тикшерү өлкәсендәге карарлар нигезенә ятучы мәгълүматларны җыю һәм системалаштыру өчен кирәк.