Газ җиһазларын тикшерү: белгечләрне кертүдән баш тарткан өчен нәрсә яный?

Белгечне кертмәү нәрсә белән яный?
РФнең гамәлдәге законнары буенча, газ җиһазларын тикшерү өчен белгечне кертүдән баш тарткан очракта торак хуҗаларына:
• 10 мең сумга кадәр административ штраф;
• Хокук бозуны бетергәнче газ белән тәэмин итүне тулысынча сүндерү яный.

Милекче бурычлары:
1. Килешү төзергә. Газ җиһазларына техник хезмәт күрсәтү һәм ремонтлауга аккредитация узган оешма белән килешү төзергә кирәк.
2. Торакка керү мөмкинлеген тәэмин итәргә. Ел саен тикшерүләр уздыру өчен белгечләргә даими рәвештә торакка керү мөмкинлеге бирергә.

Газ хезмәткәрләре нәрсә тикшерәләр?
Тикшерү вакытында белгечләр:
• Газ торбалары тоташкан урыннарның герметиклыгына;
• Куркынычсызлык автоматикасының төзек эшләвенә;
• Җилләтү каналларында тарту көче булуына;
• Газ приборларының гомуми торышына бәя бирәләр.

Бу чаралар мәҗбүри һәм, беренче чиратта, сезнең һәм күршеләрегезнең иминлеген тәэмин итүгә юнәлдерелгән. Төзек булмаган яки тикшерелмәгән газ җиһазларын куллану катгый тыела һәм тормыш өчен турыдан-туры куркыныч тудыра.

Кая мөрәҗәгать итәргә?
Тикшерүләр белән бәйле сораулар буенча халык газ хезмәтенә мөрәҗәгать итә ала. «Чистопольгаз» әбүнәчеләренә консультацияләр алу өчен 8 (84342) 4-06-76 телефоны эшли.