Галактионов урамында сарай янган

– Янгынның сәбәбе – ут белән бәйле эшләрне башкарганда янгын куркынычсызлыгы кагыйдәләрен бозу. Һәлак булучылар, зыян күрүчеләр юк, – дип сөйләде Чистай районы буенча күзәтчелек эшчәнлеге һәм кисәтү эше бүлегенең өлкән инспекторы Руслан Сафиуллин.

Янгын күзәтчелеге инспекторы, халыкка мөрәҗәгать итеп, билгеләнгән таләпләрне тайпылышсыз үтәргә һәм ут белән бәйле эшләрне башкарганда, мондый гадәттән тыш хәлләргә юл куймас өчен, аеруча игътибарлы булырга чакырды.

– Ут белән бәйле эшләр башкарылачак участок янында ягулык-майлау материаллары куймаска, корылмаларны һәм җайланмаларны сак ларга кирәк. Бу максатлар өчен асбесттан махсус щитлар кулланырга яки саклана торган объектларның өслегенә төшерү өчен янмый торган составларны кулланырга мөмкин. Әлеге таләпләрнең үтәлешеннән сезнең куркынычлыгыгыз гына түгел, якыннарыгызның иминлеге дә бәйле. Исегездә тотыгыз, янгынны сүндерүгә караганда булдырмый калу җиңелрәк, –дип билгеләп үтте Руслан Рамил улы.