Гадәттән тыш хәлләр министрлыгында татарстанлыларны, көчле яңгыр һәм томан сәбәпле, сак булырга чакырдылар

Татарстанда 20 апрельдә төнлә һәм иртән көнбатыш районнарда томан һәм көчле яңгыр көтелә, бу хакта гидрометүзәккә сылтама белән төбәк гадәттән тыш хәлләр министрлыгы хәбәр итә.

Республика халкына реклама такталары, юл билгеләре, агачлар һәм электр линияләре астында качмаска киңәш итәләр. Шулай ук урамнарда һәм юлларда йөргәндә сак булырга, балаларны караучысыз калдырмаска, өлкәннәргә һәм авыруларга ярдәм күрсәтергә кирәк.

20 апрель көнне көндез Казанда болытлы булачак, яңгыр көтелә. Җил төньяк-көнчыгыштан, секундына 6-11 метр, урыны белән тизлеге секундына 13 метрга кадәр җитә. Көндез максималь температура +9 +11 градус.