Фаразлауларга караганда, 2025 елда Чистай районында 73 меңгә якын кеше яшәячәк

Хакимият бинасында Чистай районы Советының чираттагы 36нчы утырышы булды. Аны район башлыгы Дмитрий Иванов алып барды. Киңәшмәдә Чистай районының халык саны һәм 2025-2027 елларга бюджеты турында фикер алыштылар.

2025-2027 елларга районның социаль-икътисади үсеше фаразы турында Чистай районы башкарма комитеты җитәкчесенең икътисад мәсьәләләре буенча беренче урынбасары Евгений Никитин сөйләде.

— 2025 елга, фаразлар буенча, район халкының саны 72 мең 800 кеше тәшкил итәчәк, — дип билгеләп үтте чыгыш ясаучы. — Район буенча уртача хезмәт хакы 66 мең сумга якын булыр дип көтелә.

Финанс-бюджет палатасы җитәкчесе Наталья Карманова 2025 елга һәм 2026-2027 елларның планлы чорына район бюджеты турында доклад белән чыгыш ясады.

— Фаразлауларга караганда, Чистай районы бюджеты керемнәренең гомуми күләме 2 миллион 600 мең сумнан артык тәшкил итәчәк, — дип билгеләп үтте ул.

Наталья Анфиногентовна шулай ук өстәмә акча бүлеп бирү турындагы мөрәҗәгатьләрне карау турында сөйләде.

Доклад белән Чистай районы Советының законлылык, хокук тәртибе һәм депутат эшчәнлеге мәсьәләләре буенча даими депутат комиссиясе рәисе Геннадий Осипов чыгыш ясады. Ул район Уставына үзгәрешләр һәм өстәмәләр кертү турында сөйләде.

Чистай районы Җир һәм мөлкәти мөнәсәбәтләр палатасы җитәкчесе урынбасары Рамил Шакиров мәдәният оешмаларының хуҗалык карамагында яки оператив идарәсендә булган муниципаль милек объектларын арендага бирү турында хәбәр итте. Рамил Радик улы шулай ук муниципалитет милкендәге мөлкәтне 2025 елга хосусыйлаштыру фаразы турында да сөйләде.