Эльмира Зарипова Татарстанда Ватан геройларына ярдәм чаралары турында сөйләде
Ватан геройлары өчен Татарстанда ярдәм чаралары комплексы булдырылды, ул натураль ташламаларны да, акчалата түләүләрне дә үз эченә ала. Бу хакта ТР Министрлар Кабинетында узган брифингта ТР Хезмәт, мәшгульлек һәм социаль яклау министры Эльмира Зарипова хәбәр итте
«Россия Федерациясендә законнар дәрәҗәсендә Ватан геройларының дәүләт һәм халык алдында аерым казанышлары таныла, аларның аерым статусы билгеләнде һәм натураль рәвештә дә, бердәм акчалата түләү белән дә алыштырылырга мөмкин булган ташламаларның киң исемлеге билгеләнде», – дип аңлатты ул.
Ярдәм чаралары арасында – салым түләүләреннән азат итү, элемтәнең барлык төрләреннән чиратсыз файдалану, барлык транспорт төрләренә билетларны чиратсыз сатып алу, беренче чиратта торак шартларын яхшырту, беренче чиратта төзелеш материаллары алу. Вафат (һәлак булган) геройның гаиләсе өчен җирләү һәм кабер ташы кую чыгымнарын каплау, шулай ук 20 мең сум күләмендә өстәмә пособие каралган.
Ташламалар арасында коммуналь хезмәтләр, өй телефоны һәм ведомстводан тыш сак хезмәтләре өчен түләүдән азат итү каралган. Моннан тыш, Ватан геройлары һәм һәлак булган геройларның гаилә әгъзалары җәмәгать транспортында бушлай йөри, дарулар, шифаханәләргә юлламалар ала, теш протезларын бушлай ясата ала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев