Ел башыннан татарстанлылар 60 тоннага якын иске электроника тапшырганнар

Апрель аенда гына да Казан, Яр Чаллы, Саба, Теләче һәм Питрәч районнарыннан катнашучылар 18,5 тонна калдык җыеп, утильләштерүгә тапшырганнар. Ә ел башыннан программага 124 оешма кушылган, алар бергә 59,7 тонна иске электроника тапшырганнар.

Техниканы түбәндәге шәһәрләрдә һәм районнарда тапшырырга мөмкин:

• Казан

• Яшел Үзән

• Әлмәт

• Яр Чаллы

• Кайбыч, Чүпрәле, Буа, Апас һәм Сарман районнары

 Утильләштерүгә нәрсә кабул ителә:

• компьютер һәм офис техникасы;

• көнкүреш техникасы (кер юу машиналарын һәм суыткычларны да кертеп);

• электр эш кораллары;

• электрон фәнни һәм медицина техникасы;

• телефоннар һәм шәхси гаджетлар;

• электрон һәм электр уенчыклары;

• картриджлар (тапшырыла торган техниканың гомуми күләменең 10% тан артыграк түгел).

Ничек катнашучы булырга:

Программаның түбәндәге рәсми сайтында гариза калдыру да җитә:

https://eko-fond.ru/electronics/

Моның өчен «катнашучыны теркәү» формасын тутырырга кирәк. Катнашу бушлай.

Чыганак: «Татар-информ»