Эдуард Хәсәнов халыкка яшеренү өчен билгеләнгән күпкатлы йортларның подваллар әзерлеген тикшерде

Чистай районы Башкарма комитеты җитәкчесе Эдуард Хәсәнов күпкатлы йортларның подвалларын карады. Әлеге планнан тыш рейдның максаты – гражданнарга саклану чарасы буларак файдалану өчен әлеге техник подпольеларның ни дәрәҗәдә таләпләргә туры килүен бәяләү.

Инспекция барышында комиссия берничә йортта булды, нәтиҗәләр бер төсле түгел. Башкарма комитет җитәкчесе күпфатирлы йортлар эшендә идарәче компанияләр эше югары дәрәҗәдә оештырылуын билгеләп үтте: подваллар коры, читса гадәттән тыш хәлләр килеп чыккан очракта эксплутацияләүгә тулысынча әзер.

Әмма кисәтүләрсез генә булмады. Тикшерелгән берничә бинада Эдуард Рөстәм улы әлеге яшеренү урыннарының үз бурычларын үтәүләрен шик астына куючы җитешсезлекләргә дә тап булды. Идарәче компанияләр җитәкчеләре адресына җитешсезлекләрне тиз арада бетерүләрен таләп итүче җитди эшләр исемлеге дә яңгырады:

Кешеләр яшеренергә дип билгеләнгән урыннарны сыйфатлы яктырту белән тәэмин итәргә;

Гражданнарның күпме булу мөмкинлеләрен истә тотып, утыру өчен урыннар һәм эскәмияләр урнаштырырга;

Ирекле керү юллары белән тәэмин итәргә һәм тәртип урнаштырырга, аларның чүп-чар белән тулуын һәм блокка куелуын булдырмаска;

«Кешеләр иминлеге формаль эшләрне кичерми. Яшеренү урыннары исәптә генә булырга тиеш түгел, ул кешеләр өчен ярашлы һәм функциональ булырга тиеш, – дип ассызыклады Эдуард Хәсәнов. – Барлык ачыкланган җитешсезлекләр кыска вакыт эчендә бетерелергә тиеш».

Башкарма комитетта торак фондларны тикшерү дәвам итә һәм җитәкченең шәхси контроле астында тора.

Фото: район Башкарма комитетының матбугат-хезмәте.