Эдуард Хәсәнов аппарат киңәшмәсе үткәрде: 9 Майга әзерлек, мәҗбүри медицина иминиятенең территориаль фонды эше нәтиҗәләре һәм оператив вәзгыять

Җаваплылык зонасында алты район

Татарстан Республикасы мәҗбүри медицина иминиятенең территориаль фондының Чистайдагы 2025 елгы эшенә йомгаклар турындагы доклад белән директор урынбасары Людмила Сабирова чыгыш ясады. Узган елда филиал эшчәнлеге мәҗбүри медицина иминияте системасында гражданнарның хокукларын тәэмин итүгә, медицина ярдәменең сыйфатын һәм акчаларны нәтиҗәле куллануны контрольдә тотуга юнәлдерелгән иде.

Филиалга алты районның: Алексеевск, Аксубай, Әлки, Яңа Чишмә, Нурлат һәм Чистайның медицина учреждениеләре беркетелгән. Соңгысында 2025 елда дәүләт гарантияләре программаларын гамәлгә ашыруда Чистай үзәк дәваханәсе, 2нче номерлы шәһәр дәваханәсе, перинаталь үзәк, балалар һәм стоматология поликлиникалары, шулай ук Ашыгыч медицина ярдәме станциясе катнашкан. 2026 елның 1 гыйнварына Чистай районының дәвалау учреждениеләренә 62 224 кеше беркетелгән.

Хисап чорында филиалның контроль-ревизия бүлеге шәхси клиникаларны да кертеп, 16 медицина оешмасын тикшергән. Тикшерү барышында мәҗбүри медицина иминияте акчаларын тотуда бозулар ачыкланган. Филиалның табиб-экспертлары даими нигездә медицина ярдәме сыйфатына экспертиза үткәрәләр, төп авырулар вакытында пациентларны дәвалауның аерым очракларын җентекләп анализлыйлар. Моннан тыш, гражданнар мөрәҗәгатьләре белән эш алып барыла.

4 машина йөртүче руль артында исерек килеш тоткарланган

Оператив сводканы Россия Эчке эшләр министрлыгының Чистай районы буенча бүлеге полиция начальнигы урынбасары Антон Ерашов тәкъдим итте. Бер атна эчендә район территориясендә өч җинаять теркәлгән, шул исәптән наркотикларны законсыз саклау һәм урлашу очраклары. Җинаятьчеләрне эзләү хезмәткәрләре тарафыннан элек кылынган җинаять – читтән торып мошенниклык ачылган.

Юлларда 13 юл-транспорт вакыйгасы килеп чыккан. ЮХИДИ хезмәткәрләре юл хәрәкәте кагыйдәләрен бозган 80 кешене җаваплылыкка тартканнар, 4 машина йөртүче исерек килеш автомобиль йөрткән өчен тоткарланган. Бер атна эчендә 95 кеше административ җаваплылыкка тартылган.

***

Утырышка йомгак ясап, Эдуард Хәсәнов агымдагы атнага бурычлар билгеләде. Муниципаль район башкарма комитеты җитәкчесе берничә йөкләмә бирде, аларның иң мөһиме – Җиңү көнен югары дәрәҗәдә бәйрәм итүне оештыру.