Дмитрий Иванов: «Ачыкланган бозуларны бетерү буенча тулы чаралар күрергә»

Әлеге тема буенча утырышта өч докладчы чыгыш ясады. Финанс-бюджет палатасы җитәкчесе Наталья Карманова хәбәр иткәнчә, палата хезмәткәрләре тарафыннан шәһәр һәм районның муниципаль бюджет, автоном һәм казна учреждениеләренә карата Бөек Ватан сугышында Җиңүнең 79 еллыгына багышланган бәйрәм чараларын әзерләүгә һәм уздыруга бүлеп бирелгән бюджет акчаларын үзләштерү һәм максатчан файдалану мәсьәләсе буенча планнан тыш күчмә тикшерү үткәрелгән. Аның барышында кайбер бозулар ачыкланган, алар нигездә документларны дөрес рәсмиләштермәү белән бәйле, ришвәтчел ният белән түгел, ә товар кую килешүләрен килештергәндә игътибарсызлык һәм бухгалтерлык системасына белешмәләрне тулысынча кертмәү нәтиҗәсендә кылынган.
— Киләчәктә шундый бозуларга юл куймау максатыннан, «Мәдәният, яшьләр сәясәте һәм спорт өлкәсендә үзәкләштерелгән бухгалтерия» муниципаль казна учреждениесе җаваплы хезмәткәрләре тарафыннан килешүләр кабул иткәндә документларны сатып алына торган товарның барлык кирәкле техник характеристикалары булу-булмавына тикшерү кирәклеге турындагы тәкъдимне комиссиядә каравыгызны, шулай ук товар куючылардан мәдәни-массакүләм чаралар үткәргәннән соң чагыштыру актларын соратып алуыгызны сорыйм, — дип тәкъдим итте мәдәният бүлеге башлыгы Эльвира Таһирова.
Яшьләр үзәге җитәкчесе Марина Елисеева хәбәр иткәнчә, үз карамагындагы учреждениеләрдә ачыкланган бозу очраклары буенча җитәкчеләр белән әңгәмә уздырылган, тагын бер тапкыр документлар төзегәндә игътибарлы булырга һәм түләү өчен документларны башкарылган эшләр акты буенча чаралар үткәрелгәннән соң тапшырырга кирәк.
Утырышта катнашучылар шулай ук муниципаль мөлкәттән, җир участокларыннан файдалану һәм әлеге мөлкәттән файдалануга хокукларны тапшыру тәртибен тикшереп торуны оештыру, аренда түләве буенча бурычлыларны ачыклау, бурычлы арендаторлар белән дәгъва эше турындагы мәгълүматны тыңладылар. Бу хакта җир һәм мөлкәти мөнәсәбәтләр палатасы җитәкчесе Марина Исхакова сөйләде. Ул Чистай муниципаль районы милегендә булган җир участокларын һәм мөлкәтне арендага бирү һәм сату, гамәлдәге законнарда каралган очраклардан тыш, ачык аукционнар үткәрү юлы белән башкарыла, дип сөйләде.
Агымдагы елның 1 гыйнварыннан 30 июньгә кадәрге чорда гомуми мәйданы 252,78 га булган 25 җир участогын арендалау килешүе төзелгән. 1 августка гамәлдәге аренда килешүләре — 662, исәпләнгән аренда түләве 11 217,85 мең сум, 1 гыйнвардан 31 июльгә кадәрге чорда җир участокларын арендалау өчен түләүләр 19 853,49 мең сум тәшкил иткән, бу узган еллардагы бурычларны исәпкә алып.
Җирне арендалау килешүләре буенча 1 гыйнварга аренда түләве буенча бурыч 16 575,5 мең сум тәшкил иткән, 1 августка — 9 259,5 мең сум. Ришвәтчелекне булдырмау максатыннан бурычлар барлыкка килүнең һәр түләнмәгән чорында үз вакытында дәгъва эше алып барыла.
Муниципаль район җирле үзидарә органнарының норматив хокукый актларга һәм норматив хокукый актлар проектларына ришвәтчелеккә каршы экспертиза үткәрү буенча эшне оештыру һәм аның нәтиҗәләре турында башкарма комитетның юридик бүлеге начальнигы Алексей Камашев сөйләде. Ул билгеләп үткәнчә, елның узган чорында юридик бүлек тарафыннан 272 документка хокукый һәм ришвәтчелеккә каршы экспертиза үткәрелгән, шуларның 165е — карарлар, 25е — күрсәтмәләр. Элек кабул ителгән норматив хокукый актларга үзгәрешләр кертә торган 29 карарга хокукый тикшерү һәм ришвәтчелеккә каршы экспертиза үткәрелгән.
Тикшерү нәтиҗәләре буенча тикшерелә торган документларның 19ы кисәтүләр булу сәбәпле, тикшерү инициаторы органына кайтарылган. Җитешсезлекләрне бетерү һәм кабат тикшерү буенча 18 документ килештерелгән. Кире кайтаруның төп сәбәпләре булып документларны рәсмиләштерү кагыйдәләрен бозу тора.
Утырышта катнашучыларның чыгышларын тыңлап, район башлыгы Дмитрий Иванов
финанс-бюджет палатасы тарафыннан финанс-хуҗалык эшчәнлегендә ачыкланган бозуларны бетерү һәм төзелгән килешүләр шартларында каралмаган максатларда тотылган акчаларны учреждениеләр бюджетларына кайтару буенча тулы чаралар күрергә кушты. Башкарылган эш турында комиссия рәисенә 1 октябрьдән дә соңга калмыйча язмача хәбәр итәргә.