Дмитрий Иванов 2025 елда районның социаль-икътисади үсеше һәм 2026 елга бурычлары турында: иминлек, милләтара татулык, ришвәтчелеккә каршы көрәш

Иминлек тыгыз хезмәттәшлектә тәэмин ителә. Хокук саклау органнары хезмәткәрләре белән берлектә террорчылыкка каршы комиссия утырышлары, экстремизмны кисәтү, дини, иҗтимагый, яшьләр оешмаларын, массакүләм мәгълүмат чараларын профилактик эшкә җәлеп итү чаралары үткәрелә.

Милләтара татулык

2025 елда этник һәм дини күптөрлелекне ныгыту буенча күп эшләр башкарылды, бу безнең район территориясендә үзара хөрмәт атмосферасы тудырырга мөмкинлек бирде.  Милли диаспоралар белән «түгәрәк өстәлләр» һәм аларның социаль интеграциясенә ярдәм итүче очрашулар уздырылды.

Элеккеге Әмирхания мәдрәсәсе бинасы ачылды, анда мәхәллә кешеләрен укытуны оештыру, шулай ук Ислам буенча рухи һәм фәнни эш алып бару планлаштырыла.

Чистай благочиниесендә балаларга һәм өлкәннәргә православие нигезләрен өйрәтү оештырылган. Никольский Соборында халык хоры җыелган, балалар хоры оештыру эше алып барыла. Зур социаль эш алып барыла: аз керемлеләргә ярдәм күрсәтү буенча чиркәүләр каршында пунктлар булдырылды, махсус хәрби операциядә катнашучы солдатларга ярдәм итүгә аерым игътибар бирелә.

Ришвәтчелеккә каршы көрәш

Районда бу эш планлы һәм системалы рәвештә алып барыла, профилактик чараларны, контроль һәм хокукый агартуны үз эченә ала. 2025 елда муниципаль хезмәткәрләр тарафыннан кылынган ришвәтчел хокук бозулар ачыкланмады.