Депутатлар Чистайда туристлык салымы кертү мәсьәләсе буенча фикер алыштылар

Муниципалитетта шәһәр Советының чираттагы 36нчы утырышы узды, аны шәһәр башлыгы урынбасары Михаил Ксенофонтов алып барды.
Утырышның көн тәртибенә куелган темаларның берсе туристлык салымы булды. Чистай районының финанс-бюджет палатасы җитәкчесе Наталья Карманова аны безнең шәһәрдә билгеләү һәм гамәлгә кертү турында сөйләде.

— 2025 елның 1 гыйнварыннан Чистайда туристлык салымы кертү планлаштырыла. Салым ставкасының максималь күләме 1 процент тәшкил итәчәк һәм 2029 елга акрынлап 5 процентка кадәр артачак. Бер кешегә туристлык салымы бер тәүлеккә 100 сум тәшкил итәчәк, — дип сөйләде Наталья Анфиногентовна.

Ул шулай ук шәһәрдәге бюджет процессы турында да сөйләде.

Утырыш ахырында Михаил Иванович ике сәнәгать мәйданчыгын: «Чистай» һәм «Үзәк» индустриаль паркларын җир салымы һәм физик затлар мөлкәтенә салым буенча салымнан азат итү турында сөйләде. Бу кече һәм урта эшмәкәрлеккә ярдәм итү өчен эшләнә.