Чистайлылар мохтаҗларга газеталарга язылу бүләк итә алалар

Хәзер акция аеруча актуаль, чөнки 13 декабрьгә кадәр районда махсус «Язылу ункөнлеге» уза, бу вакытта вакытлы матбугатка язылуны ташлама белән рәсмиләштерергә мөмкин, шул исәптән хәйрия максатларында.

Бу атнада почтамт хезмәткәрләре муниципалитет бинасында язылу пунктын җәелдерделәр. Акциядә беренчеләрдән булып район башлыгы Дмитрий Иванов катнашты. Ул балалар йортында тәрбияләнүчеләр өчен безнең газетага язылу рәсмиләштерде.

– Район газетасында якташларыбыз турында мәгълүмат бик күп, мөһим социаль мәсьәләләр күтәрелә, патриотик тематикага материаллар шактый, – дип билгеләп үтте Дмитрий Иванов.

– Бу яшь буын өчен файдалы уку. Һәм, әлбәттә, газета өлкән буын өчен актуальлеген югалтмый. Безнең бурыч – өлкән яшьтәге кешеләр үзләре өчен мөһим яңалыклар чыганагыннан мәхрүм калмасыннар өчен матбугат басмасына ярдәм итү.

«Мәрхәмәтлелек агачы» акциясе язылу кампаниясе ахырына кадәр дәвам итәчәк. Анда катнашу чыннан да мохтаҗ булганнарга «Чистай хәбәрләре»нә ярты еллык язылуны нибары 979 сум 80 тиенгә бүләк итү өчен менә дигән мөмкинлек. Мондый бүләк аны алучыны 2026 елның гыйнварыннан июненә кадәр яңалыклар һәм кызыклы материаллар белән сөендерәчәк.

Акциягә кушылыгыз! Сезнең ярдәмне көтүчеләргә мәрхәмәтлелек һәм яңалыклар бүләк итегез.

Тулырак мәгълүматны шәһәрнең почта бүлекчәләрендә белергә һәм хәйрия язылуны рәсмиләштерергә мөмкин.