Чистайлы наркотиклар белән тотылган

Элек хөкем ителгән 41 яшьлек чистайлы зур күләмдә наркотик матдәләрне законсыз сатып алган, сату максатыннан башка саклаган өчен төрмәгә утыртылачак, дип хәбәр итә шәһәр прокуратурасының матбугат хезмәте.

— Суд билгеләгәнчә, 2023 елның 16 августында гаепләнүче кыргый үсеп утыручы, составында наркотик матдә булган үсемлекне җыеп, пакетка тутырган һәм өенә кайтырга чыккан. Юлда аны полиция хезмәткәрләре тоткарлаган, — диелә хәбәрдә.

Чистайлы үз гаебен таныган. Суд ир-атны, 3 ел 4 айга каты режимлы төзәтү колониясендә җәзаны үтүне билгеләп, ирегеннән мәхрүм иткән.