Чистайлы юл-транспорт вакыйгасы килеп чыккан урыннан киткән

Юлдагы авария – ул һәрвакыт стресс. Мондый вәзгыятьтә кайбер машина йөртүчеләр паникага бирелеп яисә җаваплылыктан котылырга теләп, вакыйга килеп чыккан урыннан качып китәләр. Бу зур ялгышлык, ул юл-транспорт вакыйгасында катнашучыны гына булган кешене җитди нәтиҗәләр белән тәртип бозучыга әйләндерә.

1нче номерлы суд участогы­ның җәмәгать судьясы нәкъ менә шундый ялгышлык ясаган хатын-кызның эшен карады.

Бу хәл былтыр октябрь аенда килеп чыга. Эштән кайтып барганда әлеге хатын-кыз телефонын төшереп җибәрә. Аны алырга дип иелгәч, ул идарәне югалта һәм юл буендагы баганага килеп бәрелә. Куркуыннан һәм авыртудан ул ЮХИДИ хезмәткәрләрен чакыртмый, үзенең җимерелгән машинасын ташлап, такси белән өенә кайтып китә.
Суд залында ул үзенең гаебен тулысынча таныды, үзенең гамәлләрен стресс һәм арыганлык белән аңлатты. Әмма закон катгый: юл-транспорт вакыйгасы булган урынны калдыру – җитди закон бозу. Суд барлык шартларны искә алып, аны бер елга машина йөртү хокукыннан азат итәргә дигән карар чыгарды. Әлеге җәза карар үз көченә кергәннән соң соң гамәлдә.

Хөрмәтле машина йөртүче­ләр! Ничек кенә имгәнсәгез дә, нинди хәлдә булсагыз да, авария булган урыннан китәргә ярамый. Беренче һәм төп кагыйдә – туктарга, авария сигнализациясен кабызырга, билге куярга һәм ЮХИДИ хезмәткәрләрен чакырырга кирәк. Суд практикасы күрсәткәнчә, башкача булган очракта нәтиҗәләр тагын да аянычлырак булырга мөмкин.

Чистай районы буенча 1нче номерлы суд участогы матбугат хезмәте материалларыннан