Чистайда террорчылыкка каршы комиссиянең чираттагы утырышы узды

Киңәшмәдә мәгариф объектларының сакланышы, Чистай муниципаль районы уку йортларының янгын иминлеге торышы, кешеләрнең күпләп җыела торган урыннарның куркынычсызлыгы турында сөйләштеләр.

Башкарма комитет җитәкчесенең мәгариф буенча урынбасары, мәгариф идарәсе башлыгы Ольга Купцова мәгариф объектларының сакланышы һәм Чистай муниципаль районы уку йортларының янгын иминлеге торышы турында сөйләде.

— Комиссия эше нәтиҗәләре буенча, барлык мәктәпләр һәм балалар бакчалары уку елы башлануга әзер дип танылды. Мәгариф оешмаларын кабул итү барышында ведомствоара комиссия тарафыннан уку сыйныфларының, ашханәләрнең, спорт залларының, автомат янгын сигнализациясенең, янгын сүндерү чараларының, эвакуация вакытында чыгу юлларының, хәвеф сигнализациясе төймәләренең, видеокүзәтү системасының торышы өйрәнелде һәм башкалар тикшерелде. Һәр белем бирү оешмасы номерны билгеләүче телефоннар, хәвеф сигнализациясе төймәсе белән җиһазландырылды, стационар һәм кул металл детекторлары урнаштырылды. 9 учреждениедә керү контроле һәм идарә итү системасы, 28 мәктәптә һәм 31 балалар бакчасында видеокүзәтү системасы урнаштырылды.

Мәгариф учреждениеләрендә янгын иминлеген тәэмин итү турында Чистай муниципаль районының янгын күзәтчелеге буенча баш дәүләт инспекторы урынбасары Руслан Сафиуллин сөйләде.

— Агымдагы елда мәгариф учреждениеләрен яңа уку елына әзерләү кысаларында Чистай районының барлык мәгариф учреждениеләрендә кисәтү тикшерүләре үткәрелде, алар барышында 63 уку йортында (23 мәктәптә, 36 мәктәпкәчә белем бирү учреждениесендә, 4 өстәмә белем бирү оешмасында) янгын иминлеге таләпләрен бозу ачыкланмады. Шунысын да билгеләп үтәргә кирәк, район мәгариф учреждениеләрендә янгын иминлеге торышы елдан-ел яхшыра бара, — дип уртаклашты Руслан Рамил улы. — Белем бирү учреждениеләрен яңа уку елына әзерләү максатыннан, Россия гадәттән тыш хәлләр министрлыгының Татарстан Республикасы буенча Баш идарәсе тарафыннан республиканың гомуми белем бирү учреждениеләрендә балалар иминлеге айлыгы игълан ителде. Әлеге айлык кысаларында укучылар белән янгынга каршы тематикага дәресләр үткәрү, балаларны янгын иминлегенә өйрәтү мәсьәләләре буенча ата-аналар җыелышларында чыгыш ясау, янгын чыккан очракта нәрсә эшләргә кирәклеге турында ачык дәресләр үткәрү каралган.

Шулай ук дини мохиттә кисәтү эшен камилләштерү торышы һәм чаралары турында да сүз барды. Бу хакта Чистай районы башлыгы урынбасары Михаил Ксенофонтов сөйләде.

— Чистайда 4 православие объекты: Никольский соборы, Казан Мәрьям ана иконасы һәм «Умиление», «Новомучеников чистопольских» чиркәве, 2 гыйбадәт йорты (Елгачылар поселогы һәм кирпеч заводы микрорайоннарында), 5 мәчет һәм 7 дини төркем бар, аларны дин буенча безнең төбәк өчен традицион булмаган агымнарга кертергә мөмкин, — дип билгеләп үтте Михаил Иванович. — Исламны һәм православиене дөрес аңлау, шулай ук экстремизм һәм террорчылыкны кисәтү максатларында, шәһәр мәчетләренең имам-хатыйблары һәм чиркәү руханилары Чистай муниципаль районының террорчылыкка каршы комиссия каршындагы мәгълүмати-пропаганда төркеме составына кертелде һәм Чистай районы хезмәт коллективлары, студентлары һәм халкы белән очрашулар һәм әңгәмәләр үткәргәндә алар мөселман динен һәм православиене дөрес аңлау турында мәгълүмат җиткерәләр. Шулай ук дини оешмалар тарафыннан социаль хезмәт күрсәтү тармагында — ятимнәргә, авыруларга ярдәм итүдә, шулай ук мәгариф һәм патриотик тәрбия өлкәсендә ирекле эшчәнлек хуплана.