Чистайда шәһәр Советының 31нче утырышы узды

Хакимият бинасында Чистай шәһәр Советының 31нче утырышы узды. Аны Чистай районы башлыгы Дмитрий Иванов алып барды. Көн тәртибендә шәһәрнең җирдән файдалану һәм төзелеш кагыйдәләренә үзгәрешләр кертү мәсьәләсе каралды.

Бу хакта архитектура һәм шәһәр төзелеше бүлеге начальнигы – баш архитектор Андрей Шумилов хәбәр итте.

Ул Чистайда төньяк-көнчыгыш торак районын (Мебель фабрикасы микрорайонын) үстерергә, анда күп фатирлы торак йортлар, кибетләр һәм башка объектлар төзергә кирәклеген билгеләп үтте.