Чистайда коммуналь һәм юл хезмәтләре көчле кар яву нәтиҗәләрен бетерү өчен көчәйтелгән режимда эшлиләр
Шәһәр урамнарында һәм ишегалларында карны чистартуда 50 берәмлектән артык махсус техника эшли
Чистайда коммуналь һәм юл хезмәтләре көчле кар яву нәтиҗәләрен бетерү өчен көчәйтелгән режимда эшлиләр.
Шәһәр башкарма комитеты мәгълүматларына караганда, кар белән көрәштә 43 берәмлек махсус техника һәм подряд оешмасының 70 хезмәткәре җәлеп ителгән. Бер үк вакытта ишегалларында 85 урам себерүче һәм идарәче компанияләрдән 9 берәмлек техника эшли. Шулай ук күпфатирлы йортларның түбәләрен кардан һәм боздан чистарту эшләре алып барыла.
– Шәһәрне кардан чистартуда катнашкан һәркемгә зур рәхмәтемне белдерәм. Һәркем үз эшенә җаваплы карый: юллар, тротуарлар, тукталыш павильоннары, ишегаллары, җәмәгать урыннары чистартыла, – дип билгеләп үтте шәһәр башкарма комитеты җитәкчесе Айрат Хамматов.
Битараф булмаган шәһәр кешеләре дә читтә калмый. Энгельс урамы, 53 адресы буенча урнашкан күпфатирлы йортта яшәүчеләр үрнәк күрсәттеләр. Үзләренең идарәче компаниясенең урам себерүчесенә ярдәм итү өчен алар бергәләп машина кую урыннарын, тротуарларны һәм ишегалдындагы мәйданчыкларны чистартырга чыкканнар.
Фото ЧМРның рәсми порталыннан алынды
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев