Чистайда юл чатында хәрәкәт итү схемасы үзгәртелде

Пасека һәм Набережная урамнары чатында юл хәрәкәтен оештыруда үзгәрешләр барлыкка килде. Муниципаль район сайтында бастырылган рәсми мәгълүматка караганда, бу участокта хәрәкәт итү өстенлеге үзгәртелгән.

Хәзер төп юл шәһәргә – Энгельс урамына таба бара. Союзная урамына таба элеккеге юнәлеш хәзер икенче дәрәҗәдәге дип санала.

Димәк, елга портыннан Энгельс урамына таба күтәрелүче машина йөртүчеләр төп юлда булалар. Ә Союзная урамыннан чыгып китүчеләргә яки аның ягына таба юнәлүчеләргә юл бирергә кирәк була.