Чистайда «Язгы боз» акциясе узды

Чистайда «Язгы боз» акциясе узды, ул боз эрү чорында  сулыкларда  күңелсез хәлләрне булдырмауга юнәлдерелгән иде. Аны оештыручылар булып   ТРның биоресурслар буенча Дәүләт комитеты хезмәткәрләре , Россия Гадәттән тыш хәлләр министрлыгының  кече күләмле суднолар буенча дәүләт инспекциясенең Чистай бүлеге  дәүләт инспекторы Михаил Марфин, шулай ук «Алдынгылар хәрәкәте» җирле бүлегендә катнашучылар  һәм табигатьнең яшь сакчылары катнашты.

Язын боз катламы юкара, ә чараның төп максаты – балаларга һәм үсмерләргә  куркыныч хәлләр турында кисәтү.

Михаил Марфин  балаларга язгы боз ни өчен куркыныч, андый урыннарны ничек белергә мөмкин булуы һәм  боз ярылганда яисә куркыныч хәлдә калганда нишләргә кирәклеге хакында сөйләде. Акциядә катнашучыларның һәрберсе  төп куркынычсызлык кагыйдәләре  язылган  белешмәлекләр алды.

 Яшь катнашучыларда  «мендәр» су транспорт чарасы  –  кабартылган көймә зур кызыксыну уятты. Аңарда коткаручылар бозда яисә суда авыр хәлдә калган кешеләргә ярдәм итү өчен тиз арада вакыйга урынына барып җитә алалар.