Чистайда автомобиль җәяүлене бәрдергән

Мебель фабрикасы микрорайонында, Боз спорт сараеннан ерак булмаган урында җәяүле катнашында юл-транспорт вакыйгасы килеп чыккан. Бу хакта тулырак Чистай районы буенча  Дәүләт автоинспекциясе бүлегендә сөйләделәр.

— Вотяков урамыннан хәрәкәт итүче автомобиль йөртүче җәяүлене бәрдергән. 1953 елгы ир-ат машина юлын рөхсәт ителмәгән урында аркылы йөгереп чыккан. Юл-транспорт вакыйгасы нәтиҗәсендә җәяүле зыян күргән, аны төрле характердагы имгәнүләр белән Чистай үзәк район дәваханәсенә китергәннәр, — дип аңлатма бирде Дәүләт автоинспекциясе бүлеге башлыгы, полиция подполковнигы Илдар Вәлиуллин.

Дәүләт автоинспекциясендә чираттагы тапкыр юл хәрәкәтендә катнашучыларны кагыйдәләрне бозмаска, юлларда игътибарлы һәм сак булырга чакырдылар.