Чистайда 1 гыйнвардан автобуста йөрү кыйммәтләнәчәк

Киләсе елның 1 гыйнварыннан Чистайда шәһәр автобусларында йөрү бәясе артачак. Бер якка бару бәясе хәзерге 33 сум урынына 37 сум тәшкил итәчәк. Тарифлар үзгәрү турындагы мәгълүмат социаль челтәрдә, пассажирлар ташу белән шөгыльләнүче предприятиенең рәсми төркемендә бастырылган.
Компания вәкилләре аңлатуынча, бәя арту ягулык-майлау материалларына, салымнарга, шулай ук автобуслар өчен запас частьләргә һәм комплектлаучы детальләргә бәяләр арту белән бәйле.