Чистай үзәк дәваханәсе баш табибы пациентлар өчен профилактик тикшеренүләрнең әһәмияте һәм яңа мөмкинлекләр турында сөйләде

— Барыгызга да билгеле, без поликлиникаларда профилактик тикшеренүләр үткәрәбез — болар диспансерлаштыру, хроник авырулары булган кешеләрне диспансер күзәтү, предприятиеләрдә сәнәгать диспансерлаштыруы. Агымдагы елда яңа проект тормышка ашырыла башлады — бу бала табу яшендәге кешеләрне диспансерлаштыру (18 яшьтән 39 яшькә кадәр). Сәламәтлек торышын бәяләү өчен үткәрелүче әлеге профилактик тикшеренүләрдә һәрберсенең үзенең тикшеренү исемлеге бар. Исегезгә төшерәм, диспансерлаштыру, диспансер тикшеренү һәм профилактик медицина тикшеренүе барысы да бушлай үткәрелә.

Диспансерлаштыруның һәм профилактик медицина тикшеренүенең максаты — авыруны, аның үсү куркынычын алдан ачык­лау, шулай ук пациентлар өчен сәламәтлек төркемен билгеләү һәм тәкъдимнәр булдыру.
Хәзерге тәртип кысаларында үткәрелүче медицина чаралары инва­лидлыкның һәм халык үлеменең төп сәбәбе булган хроник авыруларны, шулай ук үсү курынычы булган авыруларны ачыклауга юнәлдерелгән.
Профилактик тикше­ренү барышында диагноз куйганда поликлиника табибы пациентларның югары һәм бик югары декомпенсация куркынычы булган төркемен билгели, кыскача әйткәндә, ул ВРД һәм ОВРД дип әйтелә. Бу төркем пациентлары даими рәвештә контрольдә булырга тиеш, мондый система «Соры зона»ны бетерергә яисә медицина ярдәменә мөрәҗәгать итмәүче пациентларны ачыкларга мөмкинлек бирә.
Декомпенсациянең югары һәм бик югары куркынычы булган кешеләр өстенлекле рәвештә тәүлек әйләнәсе эшли торган һәм көндезге стационарларга җибәрелә. Юллама «яшел коридор» яисә өстенлекле тәртиптә тормышка ашырыла.
— Пациентлар өчен яңа мөмкинлекләр турында сөйләгез әле…

— Стационарда дәва­лан­ганда без РКБ белгеч­ләре белән телемедицина консультацияләре үткәрәбез. Аның өстенлеге нәрсәдә?
Телемедицина ярдә­мендә махсуслашты­рылган медицина учреж­де­ние­ләреннән бик ерак­та булган пациентлар­га кон­суль­тацияләр алу җайлырак була башлады. Шулай ук читтән торып консультация үткәрүләр табибларга чиратны киметәләр. Казанга консультациягә бару күп вакыт сорый, транспортка чыгымнар турында да онытырга ярамый.
Телемедицинаның «та­биб-табиб» Коммуника­ция технологиясе файдаланыла. Бу очракта сәла­мәтлек саклауның барлык мәсьәләләрендә медицина хезмәткәрләре (табиблар һәм медперсонал) контактка керә һәм мәсьәләләрне хәл итә.
Телемедицина консуль­тацияләре үткәр­гәндә пациентлар буенча мәҗбүри формалаштыру белән клиник хәл итүләрнең төп мәсьәләләре карала:
• тикшеренү буенча тәкъ­­димнәр һәм кабаттан телемедицина консультациясе;
•госпитализациягә чиратка куюга һәм РКБ­ның профиль бүле­ге­нә консультациягә тәкъ­димнәр;
•медицина күрсәт­кечләре булганда РКБга күчерү;
•үзәк район дәваханә­сенең пациентны килә­чәктә амбулатор һәм стационар шартларда карауга тәкъдимнәр.
Үзәк район дәваханә­сендә кадрлар җитеш­мәгән шартларда безнең пациентларга тар профильле белгечләр (гастроэнтеролог, эндокринолог, кардиохирург) белән консультацияләр үткәрү мөмкинлеге бар. Медицина күрсәткечләре булганда пациент табиб яисә ашыгыч ярдәм фельдшеры озатуында Республика клиникасына күчерелә.

Якыннары хроник авы­рулы кешеләргә мөрәҗә­гать итәсем килә. Бәлки сезнең дә хроник авыруыгыз бардыр — даими рәвештә стационарда дәвалау үтәргә кирәк. Шулай итеп сез Рес­публика клиникасы белгечләре катнашында заманча медицина ярдәме алачаксыз һәм үз сәламәтлегегезне контрольдә тотачаксыз.