Чистай студентларына «Выстрел» отрядының эше турында сөйләделәр

Әлеге очрашу алар өчен Ватаныбызның тарих һәм батырлык  дөньясына сәяхәт  булды.

Отряд җитәкчесе үзенең эше, оешманың максатлары һәм казанышлары турында җентекләп сөйләде. Студентлар безнең бабаларыбызның батырлыклары, Бөек Ватан  сугышы солдатларының калдыкларын эзләү,  вакыт узу белән исемнәре онытылган  батырларның хатирәләрен кайтару турында  күп яңа нәрсәләр белделәр.

Отряд әгъзалары  ярдәме белән  һәлак булган  сугышчыларның медальләре табылган  эзләнү экспедициясе тарихы  аларны аеруча тәэсирләндерде.

Әлеге табышлар  гаделлекне торгызырга һәм солдат гаиләсенә ихтирам- хөрмәтне тагын да  күбәйтергә мөмкинлек бирде.

Очрашу  кызыклы һәм тәэсирле булды. Ул студентларга белемнәрен арттырырга да ярдәм итәчәк. Студентларның берсе үзенең эмоцияләре белән уртаклашты.

«Очрашу минем күңелемдә онытылмаслык эз калдырды, тарихи мирасыбызны саклауда  үзең керткән өлешнең әһәмияте турында  уйланырга мәҗбүр итте. Мин озакламый  шундый мөһим эшләргә  кушылырмын һәм яшьләрне патриотик  тәрбияләүдә   үземнең өлешемне кертермен дип ышанам», – дип билгеләп үтте ул.