Чистай районында яшәүчеләр кулланучылар хокукын яклау буенча белгечләр консультациясе алдылар

Иске Роман авылында халыкның ТР Дәүләт алкоголь инспекциясенең Чистай территориаль органы хезмәткәрләре белән очрашуы узды. Чара кулланучылар хокукларына багышланды.

Белгечләр кулланучылар хокукларын яклау турындагы законнарны җентекләп аңлаттылар һәм авыл җирлеге башкарма комитеты белгечләре өчен семинар-уку үткәрделәр.

— Чара барышында без закон нормаларын карап кына калмадык, ә очрашуга килгәннәрнең үтенече буенча куелган тәрәзәләрдә җитешсезлекләр ачыкланган очракта кулланучыларның хокукларын аңлаттык. Территориаль орган башлыгы вазифаларын башкаручының шәхси кабул итүендә кулланучының касса чегын югалту сәбәпле, сатучының шөреп боргычны гарантияле ремонтлаудан баш тартуы вакыйгасы каралды һәм кулланучыга аны тиешле сыйфаттагы товарга алыштыру хокукы барлыгы аңлатылды, — дип аңлатты ТР Дәүләт алкоголь инспекциясенең Чистай территориаль органының эчке базарны координацияләү һәм үстерү бүлеге башлыгы Светлана Саломеева.

Башкарма комитет белгечләре өчен семинар-уку авыл җирлеге башлыгы катнашында узды. Очрашу барышында тиешле сыйфаттагы һәм сыйфатсыз товарларны кире кайтару тәртибе, шул исәптән товарларны читтән торып сату белән бәйле бәхәсле хәлләр турында фикер алыштылар.