Чистай районында балык продукциясен сату нокталарының берсен тикшерделәр

Чистай районында балык продукциясен сату буенча уртак рейд узды. Балык күзәтчелеге, Роспотребнадзор, биоресурслар буенча дәүләт комитеты һәм полиция хезмәткәрләре белән бергә без балык сату нокталарының берсен тикшердек.
Урынга баргач, төрле төрдәге балыклар ята торган өстәл янына килеп бастык. Безнең тәҗрибәле «ревизорлар» шунда ук берничә кагыйдә бозуны ачыкладылар.
Алар кайнар ысул белән ысланган корбан балыгы, суытылган кәрәкә һәм пешкән кысла сату буенча кисәтүләр ясадылар. ТР биоресурслар буенча дәүләт комитетының Кама аръягы зонасы буенча районара бүлеге башлыгы Вячеслав Жарехин билгеләп үткәнчә, иң тупас бозу — Кызыл китапка кертелгән чөгә балыгы сату булды.
— Тикшерү вакытында үзләре җитештергән, маркировкасы, озата баручы документлар һәм башка мәгълүмат булмаган балык продукциясен таптык. Без андый балыкны сатудан алдык. Хәзерге вакытта шәхси эшмәкәр кагыйдә бозуларны бетерсен өчен кисәтү чыгардык. Әгәр тикшерүләр вакытында мондый кагыйдә бозулар кабат ачыкланса, дәгъва гаризасы әзерләячәкбез, аны шәһәр судына тапшырачакбыз, — диде Роспотребнадзорның ТР буенча территориаль бүлегенең әйдәп баручы белгеч-эксперты Елена Меркушина.