Чистай районы укучылары юл йөрү кагыйдәләрен иң яхшы белүче исеме өчен көрәштеләр

Әлеге чара  узганнарга  мавыктыргыч сәяхәттән башланды. Оештыручылар  урамнарда машиналар булмаган, кем ничек теләгән шулай йөргән  чорны  күз алдына китерергә тәкъдим иттеләр. Әлеге тарихи экскурс бүгенге шәһәр  чынбарлыгы өчен капма-каршы мохит булды, чөнки ул вакыттагы юл йөрү кагыйдәләре булмау бүгенге  тормыш өчен куркыныч нәрсә.

«Бүген юл йөрү кагыйдәләреннән башка  йөрү – бик куркыныч!» – очрашуның беренче этабында  төп месседж шул булды.

Теоретик кереш өлештән соң  укучыларны   фикерләү  тизлегенә  интеллектуаль разминка, сораштырулар, беренче медицина ярдәме күрсәтү буенча мәсьәләләр  дә көтте. Баттл билгеләрне һәм тамгаларны белүне генә түгел,  яшь җәяүлеләрнең һәм булачак машина йөртүчеләрнең гомуми грамоталылыгын да  тикшерде.

Ярышның кульминациясе иҗади финал булды. Ике командага бүленеп, укучылар якты арт-проект  – тематик плакат ясадылар. Эшләрнең төп бизәге булып саллы һәм аңлаешлы  сүзләр яңгырады, «Барыннан да элек иминлек» дигән сүзләрне  укучылар үзләре сайлап алдылар.

Оештыручылар катнашучыларның мавыгу дәрәҗәсенең югары булуын билгеләп үттеләр һәм  баттл барышында алган белемнәр укучыларга шәһәр юлларында үзләрен  ышанычлырак һәм куркынычсызрак тоярга ярдәм итәр  дигән ышаныч белдерделәр.