Чистай районы башлыгы Дмитрий Ивановның Социаль хезмәткәр көне белән котлавы

Хөрмәтле районыбызның социаль хезмәтләре хезмәткәрләре һәм ветераннары! Сезне чын күңелдән бәйрәм белән котлыйм!

Сезнең катлаулы, әмма шундый кирәкле хезмәтегезне без чын күңелдән кадерлибез, чыдамлыгыгызга һәм сабырлыгыгызга сокланабыз, кешеләргә файда китерергә тырышуыгыз һәм мәрхәмәтле булуыгыз өчен тирән рәхмәтлебез. Социаль эш – ул үзенчәлекле яшәү рәвеше, күңел юмартлыгының чагылышы. Бу өлкәдә очраклы кешеләр була алмый.

Киләчәктә дә сезнең эшчәнлегегез югары һөнәри осталык, ихлас сизгерлек һәм тирән кызгану хисе белән аерылып торачак, ә сез алып барган җитди җаваплылык кешеләрнең аларга карата күрсәтелгән кайгыртучанлык өчен эчкерсез рәхмәт белдерүләре белән һәрвакыт йомшартылачак.

Сезгә һәм сезнең якыннарыгызга сәламәтлек, бәхет, иминлек һәм уңышлар телим! Сез ярдәм иткән кешеләрнең җылы рәхмәт сүзләре һәм рәхмәтле елмаюлары хезмәтегез өчен иң яхшы бүләк булсын!