Чистай районы башлыгы Дмитрий Ивановның Россия көне белән котлавы

Бу көн – илебез, аның күп гасырлык гореф-гадәтләре, мәдәни байлыгы һәм казанышлары өчен горурлык символы. Россия – йөзләгән халыкларны, телләрне һәм мәдәниятләрне берләштерә алган, сынауларга карамастан, үз гражданнарының бердәмлеге һәм батырлыгы аркасында үзенең бөеклеген саклап калган ил.
Безнең дәүләт өлешенә күп кенә борылыш этаплары һәм авыр сынаулар туры килде. Ватан иминлеге, киләчәк буыннар хакына бердәм булуның мөһимлеген без бүген аеруча аңлыйбыз.
Без хаклы рәвештә икътисадтагы, фәндәге, спорттагы һәм сәнгатьтәге уңышларыбыз белән горурланабыз. Әмма Россиянең төп байлыгы – хезмәт куючы, иҗат итүче һәм кече Ватаныбыз – Чистай районы үсешенә өлеш кертүче төрле милләт һәм дин вәкилләре, төрле һөнәр ияләре. 
Көндәлек хезмәте, инициативасы һәм актив гражданлык позициясе белән районыбызның иминлеген ныгытучы һәркемгә рәхмәт белдерәм. 
Барыгызга да нык сәламәтлек, бәхет, тынычлык һәм иминлек телим! Һәр йортта балаларның шат тавышлары яңгырасын, ә күңелләрдә иртәгесе көнгә ышаныч булсын!