Чистай муниципалитетында эш атнасы киңәшмә-планеркадан башланды

Аны муниципаль район башкарма комитеты җитәкчесе Эдуард Хәсәнов алып барды.

Сәнгать мәктәбендә бюджет нигезендә 151 бала белем ала
Балалар сәнгать мәктәбе эше турында аның директоры Кадрия Шарова сөйләде. Мәгариф учреждениесендә бюджет нигезендә 151 бала белем ала. 10 яшьтән 12 яшькә кадәрге балалар июнь башында имтихан нәтиҗәләре буенча кабул ителә. Укыту «Рәсем сәнгате» өстәмә һөнәр алды программа буенча алып барыла. Бишьеллык уку тәмамлангач, чыгарылыш укучылары таныклык ала.

Мәктәптә 5 педагог белем бирә, күбесенең стажы 20 һәм аннан да күбрәк ел тәшкил итә. Өч укытучы — югары категориягә, икесе беренче категориягә ия. Укытучыларның берсе дәүләт бүләгенә лаек булган.

Район кырларында туңга сөрү төгәлләнеп килә
Агросәнәгать комплексындагы эшләрнең торышы турында авыл хуҗалыгы һәм азык-төлек идарәсенең җитештерү бүлеге консультанты Радик Вафин хәбәр итте. Район кырларында туңга сөрү эшләре бара, ул барлык мәйданның 96 процентында башкарылган.

Бер атнада район хуҗалыкларында 354 тонна сөт савылган. 10 миллион сумнан артык суммага 328 тонна сатылган.
Мөгезле эре терлекләрне үрчетү дәвам итә, бер атнада 63 бозау туган.

4 машина йөртүче руль артына исерек килеш утырган
Оператив хәл турында Россия Эчке эшләр министрлыгының Чистай районы буенча бүлеге полиция начальнигы урынбасары Антон Ерашов хәбәр итте. Бер атна эчендә җинаятьләр турында 13 хәбәр теркәлгән. Сводкада — 4 мошенниклык, 7 урлашу, берәр наркотиклар тартып алу, транспорт чарасы белән исерек килеш кабат идарә итү очрагы. 22 юл-транспорт вакыйгасы килеп чыккан, нәтиҗәдә бер кеше һәлак булган, ике кеше төрле дәрәҗәдәге имгәнүләр алган. Административ хокук бозулар өчен барлыгы 161 кеше җаваплылыкка тартылган. Транспорт чарасын исерек килеш йөрткән өчен 4 машина йөртүче тоткарланган.

Соңыннан Эдуард Хәсәнов муниципаль районда булган агымдагы вәзгыятьне кайбер мәсьәләләр, аерым алганда, коммуналь хезмәтләрнең кар яву шартларында эшләргә әзерлеге буенча анализлады, алдагы атнага йөкләмәләр бирде.