Чистай муниципаль районы Советының 39нчы утырышы: йомгаклар һәм карарлар

Дүртенче чакырылыш Чистай муниципаль районы Советының чираттагы 39нчы утырышы булды, анда алты төп мәсьәлә каралды. Аны район башлыгы Дмитрий Иванов алып барды.

Кеше хокуклары һәм гражданнар мөрәҗәгатьләре
Утырыш Татарстан Республикасында кеше хокуклары буенча вәкаләтле вәкилнең Чистай муниципаль районы буенча җәмәгать ярдәмчесе Геннадий Осипов чыгышыннан башланды. Ул төбәктә кеше һәм гражданин хокуклары һәм иреге үтәлеше турында хисап тәкъдим итте. 2024 елда вәкаләтле вәкил адресына гражданнардан 5417 язма һәм телдән мөрәҗәгать кергән. Чистай районында бу чорда 21 мөрәҗәгать кабул ителгән, аларның һәрберсе буенча аңлатмалар, консультатив яки юридик ярдәм күрсәтелгән.

«Халык контроле»: нәтиҗәлелек
Мәсьәләләрне хәл итү өчен мәгълүмати сервислар куллануда халыкның активлыгына аерым игътибар бирелде. Татарстан Республикасының «Халык контроле» дәүләт мәгълүмати системасы иң кирәкле инструментларның берсе булды.

2024 елда «Халык контроле» дәүләт мәгълүмати системасы аша Чистай муниципаль районы башкарма комитетына 1115 мөрәҗәгать кергән (2023 елда — 682). Шулардан: 889 (79,7%) мөрәҗәгать хәл ителгән (2023 елда — 506, яисә 74,2%); 145е үтәргә планлаштырылган (2023 елда — 104); 76 мөрәҗәгать нигезле рәвештә кире кагылган (2023 елда — 44); 5 мөрәҗәгать өстендә эш алып барыла (2023 елда — 28).

Мөрәҗәгатьләрне системада карауның регламент срогы үзгәрешсез кала һәм 10 көн тәшкил итә. ТР «Халык контроле» дәүләт мәгълүмати системасы аша килгән барлык хәбәрнамәләр вакытында теркәлә, башкаручыларга җибәрелә һәм урынга чыгып карала, шуннан соң тиешле карарлар кабул ителә.

Махсус хәрби операциядә катнашучыларга ярдәм

Утырышта өстенлекле бурычларның берсе махсус хәрби операциядә катнашучыларга һәм аларның гаиләләренә ярдәм итү булып кала дип ассызыкладылар. Бу мәсьәлә буенча һәр мөрәҗәгать кыска вакыт эчендә тикшерелә, мөрәҗәгать итүчеләргә ярдәм күрсәтү өчен мөмкин булган барлык чаралар күрелә.

Саклану министрлыгы һәм федераль омбудсмен белән берлектә ватандашларыбызны әсирлектән кайтаруга һәм хәбәрсез югалган хәрбиләрнең кайда булуын билгеләүгә ирешелгән. Аерым алганда, безнең район егетләрен эзләү һәм әсирләр белән алмашу исемлегенә кертү турындагы соратып алулар белән федераль омбудсмен Татьяна Москальковага өч хат юлланган.

Моннан тыш, ел башында отпуск вакытында яшәү урыны буенча медицина ярдәме алганда авырлыклар белән очрашкан хәрбиләрдән мөрәҗәгатьләр килгән. Федераль омбудсмен адресына тәкъдим юлланган, ул хуплау тапкан. Нәтиҗәдә, 2024 елның октябрендә проблема уңышлы хәл ителгән.

Норматив-хокукый актларда үзгәрешләр

Муниципаль район Советы аппараты җитәкчесе Равил Мәзгутов 2019 елның 23 маенда Советның «Татарстан Республикасы Чистай муниципаль районында муниципаль хезмәт турында»гы 44/3нче номерлы карарына үзгәрешләр кертү хакында мәгълүмат бирде.

Шулай ук доклад белән Чистай муниципаль районының җир һәм мөлкәти мөнәсәбәтләр палатасы җитәкчесе Марина Исхакова чыгыш ясады. Ул мөлкәтне районның муниципаль милкеннән Чистай шәһәре милкенә, атап әйткәндә, Дорожная урамыннан Союзная урамына кадәрге юлны тапшыру турында сөйләде.

Моннан тыш, кайбер норматив актларга, шул исәптән:

• 2023 елның 14 июнендә кабул ителгән «Чистай муниципаль районында төп эш урыны буенча эшләүче гражданнарга җир участокларын бушлай файдалануга бирү тәртибе турында»гы 23/9нчы номерлы карарына;

• 2020 елның 18 февралендә кабул ителгән «Чистай муниципаль районы муниципаль милкендәге муниципаль мөлкәтне һәм җир участокларын, Чистай муниципаль районы территориясе чикләнмәгән җир участокларын файдаланган өчен аренда түләве һәм пеня буенча бурычларны түләтүгә өметсез дип тану һәм исәптән чыгару тәртибе турындагы нигезләмәне раслау хакында»гы 54/5нче карары;

• 2019 елның 26 сентябрендә кабул ителгән «Чистай муниципаль районы» муниципаль берәмлегенең кече һәм урта эшмәкәрлек субъектлары арендалый торган муниципаль мөлкәттәге күчемсез милекне читләштерү турындагы нигезләмәне раслау хакында»гы 47/4нче номерлы карарына үзгәрешләр кертелде.

Утырышның көн тәртибендәге барлык пунктлары буенча депутатлар бертавыштан раслау карарлары кабул иттеләр.