Чистайда ярминкә ике мәйданчыкта узачак

Иртәгә Чистайда авыл хуҗалыгы ярминкәләре эшли башлый. Алар шәһәрнең ике мәйданчыгында — Базарная урамында һәм ЧЧЗның универсаль базары каршында оештырылачак. Бу хакта Чистай муниципаль районының рәсми битендә хәбәр ителә.

Ярминкәләрдә чистайлылар һәм шәһәр кунаклары кулай бәядән сыер, сарык, кош ите, сөт продукциясе, яшелчә һәм башка бик күп азык-төлек товарлары сатып ала алачаклар.

Исегезгә төшерәбез, ярминкәләр ТР Президенты кушуы буенча үткәрелә башлый.