Чистай районында торак булмаган бина янды

11 апрельдән 17сенә кадәр Чистай районында бер янгын очрагы теркәлгән. Бу хакта Чистай районы буенча күзәтчелек эшчәнлеге һәм кисәтү эшләре бүлегендә хәбәр иттеләр.

Янгын сүндерүчеләр Урта Талкыш авылына бардылар.

– 17 апрельдә, 19 сәгать 31 минутта Урта Талкыш авылында, Широкая урамында янгын чыга. Янгын нәтиҗәсендә торак булмаган бина зыян күрә. Янгынның сәбәбе ачыклана, – дип хәбәр итте Чистай районы буенча күзәтчелек эшчәнлеге һәм кисәтү эше бүлегенең өлкән инспекторы Руслан Сафиуллин.

Исегезгә төшерәбез, 25 апрельдән Татарстанда янгынга каршы махсус режим кертелә. Бу режим гамәлдә булган чорда чистайлыларга янгын күзәтчелеге инспекторы кагыйдәләр турында искә төшерде.