«Чистай-информ» гүзәле акчалата сертификат алачак

Анда Чистай районында яшәүче 16 яшьтән 30 яшь­кә кадәрге хатын-кызларны катнашырга чакырабыз. Конкурсның шартлары гади. Катнашучыга Инстаграмда шәхси профильдә фоторедакторда эшкәртелмәгән, яхшы сыйфатлы үзенең бер фотосурәтен куярга һәм 2-3 җөмлә белән үзе турында язарга кирәк. Шуннан соң chistopol_news билгеләп үтәргә һәм #миссчистопольинформ хештегын куярга кирәк. Һәр катнашучы бары тик бер фото гына куярга тиеш.

Конкурска тәкъдим ителә торган фотосурәтләргә берничә таләп бар. Алар яхшы сыйфатлы, эре яки урта планда төшерелгән булырга тиеш, әмма селфи яки коллаж рәвешендә түгел. Үзегез турында кызык­лырак язарга тырышыгыз. Кайбер конкурс эшләрен без газетабыз битләрендә бастырып чыгарачакбыз. 

Эшләр 2021 елның 15 февра­леннән 13 августына кадәр кабул ителә, шуннан соң жюри әгъзалары катнашучылар арасыннан финалистларны сайлап алачаклар. Алар арасыннан җиңүчене «Чистай-информ» сайтында узачак халык тавыш бирүе билгеләячәк. Тавыш бирү 16 августтан 23 августка кадәр дәвам итәчәк. Җиңүче иң эре спорт кибетләренең берсенә 3 мең сумлык акчалата сертификат алачак.

Конкурс шартлары турында тулырак мәгълүматны «Чистай-информ» сайтында укыгыз.

«Чистай-информ гүзәле» конкурсын оештыручы – «Татмедиа» АҖ филиалы «Чис­тай-информ». Үткәрү вакыты: 2021 елның 15 февраленнән 23 августына кадәр. Тулырак мәгълүмат 5-10-60, 5-13-72, 5-10-57 телефоннары буенча.