Быел Татарстанда хезмәтне саклау өлкәсендә 51 җинаять эше кузгатылган

2026 елда Татарстанда хезмәтне саклау өлкәсендә 51 җинаять эше кузгатылган, предприятиеләрдә 82 тикшерү үткәрелгән һәм 156 күрсәтмә бирелгән. Бу хакта «Татар-информ»да узган матбугат конференциясендә ТР хезмәт, мәшгульлек һәм социаль яклау министры Эльмира Зарипова хәбәр итте.

«Республикада без имин хезмәт турындагы законнарны үтәү өлешендә эш бирүчеләрнең җаваплылыгын көчәйтүгә юнәлдерелгән даими эш алып барабыз», – дип ассызыклады министр.

Ул билгеләп үткәнчә, закон бозучылар өчен штраф санкцияләре шактый җитди: финанс өлештән тыш, бу эшчәнлекне 90 тәүлеккә кадәр туктатып тору, бигрәк тә сүз кабат хокук бозу яки хезмәтне саклау өлкәсендә шундый ук хокук бозу турында барганда.

Иң киң таралган хокук бозулар дип Зарипова җитештерү процессларын үтәмәүне һәм җиһазларны дөрес кулланмауны атады.

Чыганак: «Татар-информ»