Бер ел эчендә Татарстанның экологик кабул итү бүлмәсенә 6 меңнән артык мөрәҗәгать кергән

Шикаятьләрнең күбесе чүплекләргә кагылган – бу темага якынча 3,1 мең хәбәр килгән, дип яза ТР Экология министрлыгы матбугат хезмәте.

Шулай ук республика халкы һава сыйфаты белән бәйле проблемалар – 924 мөрәҗәгать, су сыйфаты – 594, җитештерү һәм куллану калдыкларын законсыз урнаштыру – 44 белдерү һәм башка мәсьәләләр турында актив хәбәр иткән.

Бүгенге көнгә 5,8 меңнән артык мөрәҗәгать хәл ителгән, Бу гомуми санның 96 проценттан артыгын тәшкил итә.