Бастрыкин ТР Азнакай районында җимерек юллар белән хәлне контрольгә алды
Россия Тикшерү комитеты башлыгы Александр Бастрыкин Азнакай районының Чәкән, Югары Стәрле һәм Константиновка авылларын тоташтыручы юлның җимерек булуы турындагы шикаятьләрне тикшерергә кушты
Җирле халык сүзләренә караганда, анда асфальт өлешчә юк, йөк машиналары хәрәкәте аркасында тирән чокырлар барлыкка килгән. Бу автомобильләр һәм мәктәп автобусы хәрәкәтенә куркыныч тудыра, техника даими ватыла.
Гражданнарның мөрәҗәгатьләренә карамастан, ремонт эшләре башкарылмаган.
Россия Тикшерү комитетының Татарстан буенча Тикшерү идарәсендә процессуаль тикшерү оештырылган.
Бастрыкин идарә җитәкчесе Валерий Липскийга аның нәтиҗәләре турында хәбәр итәргә кушты. Тикшерү барышы ведомствоның үзәк аппаратында контрольгә куелган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев