Башлык 2025 елда районның социаль-икътисади үсеше һәм 2026 елга бурычлары турында: авыл хуҗалыгы

Сәнәгать белән беррәттән район икътисадының көчле двигателе булып аграр комплекс тора. Инвестицияләр агымы ярдәмендә авыл хуҗалыгы актив модернизацияләнә: яңа технологияләр кертелә, алар аның көндәшлеккә сәләтлелеген күтәрә һәм районга базарларда ныклы позиция тотарга ярдәм итә.

Ашлык мәйданы барлык чәчү мәйданының 50 мең гектарын били. Азык-төлек структурасында үсемлекчелек өстенлек итә, шулай ук терлекчелек тә мөһим роль уйный.

2025 ел нәтиҗәләре буенча авыл хуҗалыгында тулаем продукция 6,8 миллиард сум тәшкил итте. 2025 елда бөртеклеләрдән 110 мең тонна яхшы уңыш җыеп алынды, шулай ук яшелчәләрнең тулаем җыемы район өчен рекордлы булды. 22 мең тонна сөт һәм 2 мең тонна ит җитештерелде.

Агросәнәгать комплексы күрсәт­кеч­ләренең артуы хезмәт өчен түләүгә уңай йогынты ясады, 2025 елда уртача айлык хезмәт хакы 71 701 сум тәшкил итте.

Уңышны арттыру өчен «Чистопольская» агрофирмасы сугару системасын төзү буенча эре проектны гамәлгә ашыруны дәвам итә. 55 киң колачлы әйләнмәле су сиптерү машинасы, 2 насос станциясе сатып алынган, 65 километрдан артык төп һәм бүлү торба үткәргечләре салынган.

Агымдагы елда «Чистопольская» агрофирмасы бәрәңге утырту мәйданнарын 2 мең гектарга кадәр киңәйтте, шуңа бәйле рәвештә 2025 елда яшелчәләрне саклау, сортларга аеру һәм төргәкләү комплексы мәйданнары 64 000 тоннага кадәр киңәйтелде.

Терлекчелекне үстерү буенча да актив эш алып барыла.

Узган елда «Молко» инвесторы тарафыннан 400 сыерга исәпләнгән яңа терлекчелек бинасы һәм 1400 башка исәпләнгән бозаулар тоту комплексы төзелеп файдалануга тапшырылды. Хуҗалык терлекләрне яңарту эшен алып бара, узган елда 631 баш тана кайтарылган. Планда – азык үзәге төзү.

Авылны һәм агросәнәгать комплексын үстерүгә крестьян-фермер хуҗалыклары зур өлеш кертәләр. Уңышлы фермерларның берсе – Петр Иванович Чурин. Югары Кондрата авылында 1560 сыерга исәпләнгән савым залы булган сөтчелек комплексы төзелешенең беренче этабы файдалануга тапшырылган.

Сөт көтүлегенең продуктивлык күрсәткечләре районда иң югарылардан санала. Планда – терлекләрне 3200 башка җиткерү.

Бүгенге көндә районда 6471 шәхси хуҗалык бар, аларда 8 427 баш мөгезле эре терлек, шул исәптән 3 047 баш сыер асрала.