Балаларның 70 проценттан артыгы наркотиклар турында интернеттан белә

«Наркотиклар проблемасы аеруча борчу тудыра. Яшьләр эшләре буенча федераль агентлык тикшеренүләре мәгълүматларына караганда, балалар 13,8 яшьтән беренче тапкыр наркотиклар кулланып карыйлар. Шул ук вакытта наркотиклар белән танышу сигез яшьтән башлана, ә гомумән алганда, иртәрәк тә әле – уеннар, мемнар һәм роликлар аша. Психологик актив матдәләр куллану арта», – дип сөйләде ул.

Министр сүзләренә караганда, монда наркотиклар темасы белән беренче контактның эмоциональ фоны мөһим: әгәр ул уңай булса, балада курку һәм кире кагу тумый.

«Алга таба ул моны уенның бер өлеше буларак кабул итә, чөнки виртуаль дөньяда мондый уенның нәтиҗәләре юк, әмма реаль дөньяда аяныч нәтиҗәгә китерә. Шул ук вакытта сораштырылганнарның яртысы беренче тапкыр наркотикларны кызыксынып һәм «барысы кебек булу» өчен кулланып караганнар», – дип өстәде ул.

Кадыйров ассызыклаганча, моңа бәйле рәвештә төп бурыч – профилактика, психологик ярдәм һәм цифрлы этика программаларының комплекслы моделен төзү.

«Беренче этапта безнең бурыч – ата-аналар белән эшләү, аларга балага телефонны бирергә һәм балаларны онытырга ярамавын җиткерү. Уеннарның эчтәлеген, бурычларны һәм төрле дәрәҗәләрне узган өчен бүләкләрне карарга кирәк, - дип белдерде ул.

Чыганак: «Татар-информ»