Бәйрәмнәрдә татарстанлылар арасында Мәскәү иң популяр юнәлеш булган

Татарстаннан барлык сәяхәтчеләрнең 14 проценты Россия башкаласына туры килгән. Аннары популярлык буенча Башкортостан шәһәрләре (туристлар агымының 9%), Самара төбәге (6%) һәм Краснодар крае (туристлар 5%) килә.

Татарстанлылар арасында шулай ук Ульяновск, Түбән Новгород өлкәләренә, Чувашиягә, Марий Элга һәм Удмуртиягә бару ихтыяҗы зур булган. Анализ буенча, бу бәйрәмнәрдә республикадан Ерак Көнчыгышка туристлар агымы – 67 процентка, Калининград өлкәсенә 50 процентка арткан. Ерак сәфәрләрнең иң югары ноктасы 5 һәм 6 гыйнварга туры килгән.

Ә менә Татарстанга күбесенчә Мәскәү һәм күрше төбәкләрдән кешеләр килгән. Ешрак – Казанга, Яр Чаллыга һәм Түбән Камага. Болгар, Зөя һәм Раиф монастыре, ә Казанда – Кремль, Бауман урамы, «Кара күл» паркы, «Казан» гаилә үзәге, төп чыршы, Казансу яр буе һәм Кабан күле туристлар арасында иң популяр урыннар булып тора.

Чыганак: Кичке Казан