«Аның пациентларга яхшы мөгамәләсе ышаныч тудыра»

«Медицина хезмәткәрләренең кайгыртучанлык күрсәтүләре һәм үз эшләрен һөнәри осталык белән башкарулары безнең өчен бик кадерле булган мизгелләр була. Ә зыян китерми, ярдәм итә торган табибны кайдан табарга соң? Бүгенге заманда яхшы табибка ярдәм сорап мөрәҗәгать итү ысулларының берсе — аның турында язылган сүзләргә колак салу. Белемлелек, һөнәрилек һәм үзенең пациентлары турында зур кайгыртучанлык кебек сыйфатларны бергә берләштергән яхшы табиб һәрвакыт дулкынландыра һәм илһамландыра. Зур тәҗрибәгә ия булган табиб-онколог Марат Фарис улы Гафиятуллин нәкъ шундый табибларның берсе.
Марат Фарис улының пациентларга һәнәри һәм кайгыртучан карашы аңа карата ышаныч тудыра. Пациент үзенең проблемасын аңлауларын һәм аны табиб җитди кабул итүен сизсә, аның киңәшләренә колак сала һәм аңа ышана.
Табиб, беренче чиратта, үзенең мөнәсә­бәтендә хөрмәт һәм нәзакәтлелек күрсәтергә, шулай ук бөтен сорауларга җавап бирергә һәм дәвалауның мөмкин булган бөтен мөм­кинлекләре турында мәгълүмат бирергә тиеш. Безнең табибыбыз Марат Фарис улы нәкъ шундыйлардан. Ул дәвалап кына калмый, студент-практикантлар белән эшләргә: аларга эш буенча кирәкле нәрсәләрне күрсәтергә, аңлатырга да өлгерә. Минем уйлавымча, мондый остаз булганда киләчәктә яшь профессионалларны көтәргә мөмкин. Менә дигән, грамоталы, киң күңелле, тәрбияле кеше ул. Мин аның өчен дога кылам, сокланам. Марат Фарисович, озак яшәгез, бәхетле һәм сәламәт булыгыз! Сезне Аллаһы Тәгалә саклап йөртсен. Сүз уңаеннан, күптән түгел безнең поликлиникада тагын бер яшь, яхшы белгеч — табиб-онколог Айрат Марат улы Гафиятуллин эшли башлады. Шулай ук аңа да рәхмәтле пациентлар һәм эшендә уңышлар телисе килә.
Олы хөрмәт һәм изге теләкләр белән рәхмәтле пациентларның берсе».