Җәйнең беренче аенда Татарстан лагерьларында 95 меңнән артык бала ял иткән
Июнь аенда Татарстанның балаларны сәламәтләндерү лагерьларында 95 меңнән артык бала ял итә алган. Бу хакта «Җәй» республика үзәге матбугат хезмәте хәбәр итә, ул төбәктә балалар ялы мониторингын координацияли
Үзәк мәгълүматлары буенча, хәзерге вакытта Татарстанда балалар ялы инфраструктурасы 1309 төрле оешманы үз эченә ала, алар берьюлы 92 467 баланы кабул итәргә сәләтле. Бу санга стационар, палаткалы һәм мәктәп яны лагерьлары, шулай ук хезмәт һәм ял лагерьлары керә.
Быелның 30 июненә Татарстанда социаль-педагогик, гражданлык-патриотик, сәнгать-иҗат, фәнни-техник һәм башка сменалар тәкъдим итүче 103 стационар балаларны савыктыру лагере эшләде.
Җәйнең беренче аенда мәктәп яны лагерьларында 58 656 бала, палаткаларда 1889 бала ял иткән.
Җәйге сәламәтләндерү кампаниясе башланганнан бирле балалар ялы мәсьәләләре буенча тәүлек буе эшли торган кайнар линия телефоны: 8 (843) 207-28-73. Аңа инде 1,5 меңнән артык мөрәҗәгать кергән. Алар нигездә лагерьны сайлауга, юлламалар, кирәкле документлар алуга һәм лагерьдагы балалар белән элемтәгә кагыла.
Чыганак: «Татар информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев